ಕೀಟಗಳ ಡ್ರೋನ್‌ಗಳನ್ನು ಬಳಸಿಕೊಂಡು ಅದರಲ್ಲಿ ಹಾನಿಕಾರಕ ವೈರಸ್‌ಗಳನ್ನು ತುಂಬಿ ಅದನ್ನು ಶಸ್ತ್ರಗಳ ರೀತಿಯಲ್ಲಿ ಬಳಸಿಕೊಳ್ಳುವ ಕಲೆ ಭಯೋತ್ಪಾದಕರಿಗೆ ಗೊತ್ತಾಗಿದೆಯಂತೆ. ನ್ಯೂ ಸೌತ್ ವೇಲ್ಸ್ ವಿಶ್ವವಿದ್ಯಾನಿಲಯದ ಗ್ಲೋಬಲ್ ಬಯೋಸೆಕ್ಯುರಿಟಿಯ ಪ್ರೊಫೆಸರ್ ರೈನಾ ಮ್ಯಾಕ್‌ಇಂಟೈರ್, “ಡಿಐವೈ ಬಯಾಲಜಿ”
ಮೂಲಕ ಆಧುನಿಕ ಜನಾಂಗ ವಿಶ್ವದ ಜನಸಂಖ್ಯೆಗೆ ಬಹಳ ಸುಲಭವಾಗಿ ಅಪಾಯವನ್ನುಂಟು ಮಾಡಬಹುದು.ಕೊರೋನಾ ವೈರಸ್‌ವ್ಯಾಪಕವಾಗಿದ್ದಾಗಲೇ ಇಂಥದ್ದೊಂದು ಆತಂಕ ಎಲ್ಲರಲ್ಲೂ ಶುರುವಾಗಿತ್ತು. ಚೀನಾದ ವುಹಾನ್‌ಲ್ಯಾಬ್‌ನಲ್ಲಿ ಈ ವೈರಸ್‌ತಯಾರಾಗಿದ್ದು ಎನ್ನುವ ಸುದ್ದಿಯಾದಾಗ, ಭಯೋತ್ಪಾದಕರು ಕೂಡ ಇಂಥ ಹಾನಿಕಾರಕ ವೈರಸ್‌ಅನ್ನು ಬಳಕೆ ಮಾಡಬಹುದಲ್ಲ ಎನ್ನುವ ಆತಂಕ ಶುರುವಾಗಿತ್ತು. ಈಗ ಈ ಆತಂಕ ನಿಜವಾಗುವ ಲಕ್ಷಣ ಕಂಡಿದೆ. ಮಾನವನ ಜಾತಿಗೆ ಅಸ್ತಿತ್ವಕ್ಕೆ ಬೆದರಿಕೆ ಒಡ್ಡುವಂಥ ಕೃತ್ಯವನ್ನು ಭಯೋತ್ಪಾದಕರು ಮಾಡಲು ಸಜ್ಜಾಗಿದ್ದಾರೆ.ಡಿಐವೈ ಬಯಾಲಜಿ ಲ್ಯಾಬ್‌ಗಳು ಇಂದು ವಿಶ್ವದ ಎಲ್ಲಾ ಪ್ರಮುಖ ನಗರಗಳಲ್ಲಿವೆ. ನಿಮ್ಮ ಮನೆಯ ಅಡುಗೆ ಮನೆಯಲ್ಲಿಯೇ ಕೆಟ್ಟ ವೈರಸ್‌ಗಳ ಅದೇ ಮಾದರಿಯ ಕೀಟಗಳನ್ನು ಸೃಷ್ಟಿ ಮಾಡುವ ಲ್ಯಾಬ್‌ರಚನೆ ಆಗುತ್ತಿದೆ. ಇದು ಯಾರಿಗೂ ಕೂಡ ಗೊತ್ತಾಗೋದಿಲ್ಲ. ಇದರ ಬಗ್ಗೆ ನಾವು ಯೋಚನೆ ಮಾಡಬೇಕಾಗಿದೆ’ ಎಂದು ಹೇಳಿದ್ದಾರೆ.