ಬೆಂಗಳೂರು ನಗರದ ರಸ್ತೆಗಳು ಗುಂಡಿಗಳಿಗೆ ಖ್ಯಾತಿ ಪಡೆದಿದ್ದು, ಹಲವು ಜನರ ಪ್ರಾಣಕ್ಕೂ ಎರವಾಗಿವೆ. ಎಷ್ಟೇ ಮನವಿ, ಅರ್ಜಿ ಹಾಗೂ ಕೇಸುಗಳನ್ನು ದಾಖಲಿಸಿ ಕೋರ್ಟ್‌ಕಟಕಟೆಗೆ ಎಳೆದರೂ ಮತ್ತೆ ಬೆಂಗಳೂರಿನ ರಸ್ತೆಗಳಲ್ಲಿ ಗುಂಡಿಗಳ ಸಮಸ್ಯೆ ಮುಗಿಯುತ್ತಲೇ ಇಲ್ಲ ಹೇರೋಹಳ್ಳಿ ಬಳಿಯ ಸುಂಕದಕಟ್ಟೆ ಬಳಿ ಗುಂಡಿ ತಪ್ಪಿಸಲು ಹೋಗಿ ಬೈಕ್‌ನಿಂದ ಬಿದ್ದು 44 ವರ್ಷದ ವ್ಯಕ್ತಿಯೊಬ್ಬರು ಸಾವನ್ನಪ್ಪಿದ್ದಾರೆ. ಬೆಂಗಳೂರಿನಲ್ಲಿ ಹಳ್ಳದ ಸಮಸ್ಯೆ ಯಾವತ್ತೂ ಮುಗಿಯುವುದಿಲ್ಲ. ಮಳೆಗಾಲ ಆರಂಭವಾಗಿ ಹಳೆಯ ಹಳ್ಳಗಳ ಜೊತೆ ಅನೇಕ ಹಳ್ಳಗಳು ಮತ್ತೆ ಹೊಸದಾಗಿ ಕಾಣಿಸಿಕೊಂಡಿವೆ.ರಸ್ತೆಗಳಲ್ಲಿರುವ ಗುಂಡಿಗಳನ್ನು ಸರಿಪಡಿಸದಿದ್ದಲ್ಲಿ ನಗರದ ರಸ್ತೆಗಳ ದಯನೀಯ ಸ್ಥಿತಿ ಪ್ರಯಾಣಿಕರಿಗೆ ಮತ್ತಷ್ಟು ಮಾರಕವಾಗಲಿದೆ.